好耐冇打Blog啦!
And 小弟終於係2021年11月28號結左婚啦!!
同時返工 + 搞結婚 + 搞裝修真係Chur過當年考公開試,結完婚即病 (其實係病住結)
我係同輩裡面都算係比較早結婚果批,為左後人可以順利D搞婚禮,我決定分享一下我搞婚禮既心得,幫得幾多係幾多
但事先聲明,我同我老婆搞婚禮既心態都係滿足四大長老既基本要求,亦即交差,而唔係搞一場好精彩既婚禮(雖然結果兩家大量長輩都讚搞得好好)
如果你係自己想搞一場好完整好美滿好精彩既婚禮,咁我哩篇充其量只係有過到合格線既參考價值,你一定要再自己搵多D資料,同埋要捨得使錢。
結婚畢竟都係大事,哩個頭盔我一定要戴︰下面既內容只係我個人既心得,我既目的係為提供參考價值,幫助新人迅速上手,而唔係指導你點樣舉辦婚禮;所以千祈唔好照單全收,亦都唔好止步於此。